Siglir tar il cuntegn

Header

Foto da Mario Cavigelli
Legenda: Keystone
cuntegn

Duas giadas PCD Mario Cavigelli daventa president da la regenza

Mario Cavigelli presidiescha a partir dal 2021 per in'ulteriur onn la regenza grischuna. Deputadas e deputads han elegì el cun 105 vuschs (da 106 vuschs valaivlas).

Igl è la terza giada che Mario Cavigelli (PCD) daventa 2021 president da la regenza grischuna. Quai è dentant era ses ultim onn presidial: Suenter questa legislatura – pia suenter 12 onns – na dastga el betg candidar per in'ulteriura perioda d'uffizi.

Mario Cavigelli (PCD)

Avrir la boxSerrar la box
  • ha 55 onns
  • abita a Domat
  • è advocat
  • è vegnì elegì l'onn 2010 sco cusseglier guvernativ
  • è schef dal Departament per infrastructura, energia e mobilitad

Deputadas e deputads han demussà grond sustegn tar sia elecziun: 105 da 106 vuschs valaivlas è in fitg bun resultat. Quai mussa era il sguard en las elecziuns dals ultims onns.

PCD cun president e vicepresident

En roda sco vicepresident vegn Marcus Caduff (PCD). Per il Lumnezian èsi ina premiera, cunquai ch'el è pir dapi l'onn 2018 cusseglier guvernativ.

Che gist dus cristiandemocrats surpiglian presidi e vicepresidi è ina situaziun zunt speziala. Per l'ina perquai che la PCD è insumma represchentada cun duas persunas en la regenza e per l'autra era che Marcus Caduff vegn en roda. El ha numnadamain survegnì en las elecziuns dal 2018 dapli vuschs che Peter Peyer (PS).

Marcus Caduff (PCD)

Avrir la boxSerrar la box
  • ha 47 onns
  • abita a Morissen ed a Domat
  • è agronom
  • è vegnì elegì en la regenza l'onn 2018
  • è schef dal Departament d'economia e fatgs socials

RTR novitads 09:00

Artitgels legids il pli savens

Scrollar a sanestra Scrollar a dretga