Dasper il cusseglier guvernativ Christian Rathgeb èn era stads preschents Regula Hunger, la secretaria dal departament per giustia, segirezza e sanadad, ed ils cussegliers gronds Brigitta Hitz, Mario Salis, Maurizio Michael ed Alessandro Della Vedova. Els èn s'inscuntrads cun cusseglier federal Ueli Maurer sco era il directur da l'Administraziun federala da duana, Christian Bock.
Ueli Maurer ha sincerà a la delegaziun grischuna, ch'il dumber da las guardias cunfin en Grischun na duai betg vegnir reducì. Plinavant èn ils participants stads da l'avis che las infurmaziuns tranter Berna ed il Grischun quai che pertutga segirezza als cunfins duain circular meglier.
Rathgeb ha envidà Maurer e Bock d'inspectar il cunfin dal sid dal Grischun. L'inscunter duai avair lieu la fin da la stad da quest onn.
RR novitads 09:00