Siglir tar il cuntegn

Header

video
Video vom 15.05.2015
Or da Actualitad video dals 15.05.2015.
laschar ir
cuntegn

Chantun Dumbraziun da la populaziun rumantscha

Dapi onns na san ins betg pli, quants rumantschs ch’i dat propi. Dumbraziuns exactas n’èn betg pli vegnidas fatgas dapi l’onn 2000. Lura devi anc 60’000 rumantschas e rumantschs. Dapi lura fan ins mo pli calculaziuns approximativas.

Quellas calculaziuns n’èn dentant betg uschia exactas e pon variar ferm. Perquai ha la Lia Rumantscha ussa lantschà il project: Dumbraziun dal pievel rumantsch. Cun inscriver ses num en «il cudesch da las rumantschas ed ils rumantschs» pon ins uschia era rinforzar la lingua rumantscha.

Preschentar numer exact il 2019

Uschia stat era sin la pagina d’internet da la Lia: «30’000? 60’000? U la finala schizunt 100’000? Igl è difficil d’eruir precis quantas persunas che discurran e chapeschan rumantsch.»

La resposta sin quella dumonda vul la

Lia Rumantscha dar il 2019. Fin lura va numnadamain la dumbraziun dals rumantschs. Tar il 100avel anniversari da la Lia Rumantscha vul ins lura preschentar in numer uschè grond pussibel.

Lia Rumantscha ha mirveglias

Il secretari general da la Lia Rumantscha Urs Cadruvi dubitescha ch’i vegn ad esser 100’000 rumantschas e rumantschs en il cudesch. Els n’hajan betg aspectativas grondas, els veglian simplamain rimnar uschè blers nums sco pussaivel.

Forsa datti ina gronda cifra, ma forsa avain la fin finala era mo 1’000 u 2’000 persunas.
Autur: Urs CadruviSecretari Lia Rumantscha

S’inscriver pon ins sin la pagina da la Lia Rumantscha www.liarumantscha.ch, il link avra en ina nova fanestra u a las differentas occurrenzas da la Lia Rumantscha.

Fegl cun text
Legenda: Appel als rumantschs da sa registrar. RTR, G.-M. Maissen

Artitgels legids il pli savens

Scrollar a sanestra Scrollar a dretga