Siglir tar il cuntegn

Header

cuntegn

Dunnas en posiziun da cader «Umens elegian umens»

Dunnas èn cleramain sutrepreschentadas en posiziuns da cader en Svizra. En il Grischun ston ins bunamain tschertgar ellas cun la marella. En las 36 pli grondas interpresas grischunas na chattan ins strusch in’autra dunna en posiziuns da cader che la scheffa da la EMS Chemie. Daco atgnamain?

«Umens elegian umens». Da quest avis è Tamara Gianera, la manadra dal post da stab per dumondas d’egualitad grischun. Umens hajan ina gronda rait da contacts cun auters umens. Ch’i na dettia simplamain betg avunda dunnas qualifitgadas per tschertas posiziun na lascha ella betg valair.

Ils gremis da decisiun ston propi avair questa finamira, da chattar dunnas per il cader, ed uschia ston els tschertgar a moda professiunala.
Autur: Tamara Gianeramanadra dal post da stab d'egualitad grischun

Eva Riedi Collen gida da chattar las dretgas persunas per ils dretgs posts. Ella ha fundà e maina la fatschenta «Coeco». La fin finala chattian ins quai ch’ins tschertgia, uschia Eva Riedi Collen.

Igl è in fatg che dunnas vegnan viaden bler pli grev en tschertas posiziuns.
Autur: Eva Riedi CollenFundatura e manadra da fatschenta da Coeco

En Svizra dettia anc bler da far, per gidar a dunnas da vegnir tar posiziuns relevantas.

Il problem cardinal saja, che l’experientscha valia dapli ch’il potenzial. E l’experientscha manchia savens a las dunnas, cunquai ch’ellas èn il pli savens quellas che tgiran ils uffants. Dentant per il futur sajan auters duns bler pli impurtants che l’experientscha, uschia l’experta. La capacitad d’esser creativ, d’esser cooperativ, la capacitad da lavurar bain cun in’autra persuna, da pudair emprender ed esser avert, quai sajan ils talents necessaris per il futur.

E co guardi or cun dunnas en il cader da RTR?

Vesì sur tut las partiziuns da Radiotelevisiun Svizra Rumantsch tar RTR è la relaziun tranter umens e dunnas equilibrada: 48% da tut ils collavuraturs e collavuraturas èn dunnas e 52% umens. Ma er tar RTR èn be duas dunnas en la direcziun ed il cader da total set persunas. En il cader mesaun ha RTR 8 dunnas e 19 umens. I dat pia er qua anc potenzial da sa meglierar.

audio
Isabella Wieland davart las dunnas en il cader da RTR
06:30 min, Actualitad dals 27.11.2020.
laschar ir. Durada: 06:30 minutas.

RTR actualitad 08.00

Artitgels legids il pli savens

Scrollar a sanestra Scrollar a dretga