Al timun dals adversaris dal segund tunnel èsi stà in temp fitg intensiv per il giuven politicher grischun.
El ha dentant era gì bunas chaschuns da rimnar custaivlas experientschas.
Uschia per exempel en la discussiun en l’emissiun Arena dils collegas da SRF. Là ha el stuì tegnair pitg a politicras e politichers profilads sco a la cussegliera federala Doris Leuthard ed al cusseglier naziunal ed interprendider da transports Ulrich Giezendanner.
Jau hai durmì fitg bain, er perquai che la pressiun era davent. Jau ha lavurà fitg bler il davos temp ed era stanchel.
Cun tut questas experientschas fiss Jon Pult tgunsch pront dad ir a Berna, da far il pass en il parlament naziunal. Pult manegia, el na saja betg vegnì elegì l’october passà e perquai na saja quai per il mument betg la finamira principala.