Siglir tar il cuntegn
cuntegn

Chantun Dus procuraturs publics externs examineschan cas grischuns

Pervia da mancanza da capacitad e per evitar reproschas ch'ins na saja betg neutral examineschan actualmain dus procuraturs publics dad auters chantuns cas dal Grischun.

Purtret Esther Omlin
Legenda: Esther Omlin, procura publica dal chantun Sutsilvania duai examinar las renfatschas en connex cun l'arrestaziun dad Adam Quadroni. MAD

Cas spezials pretendan mesiras spezialas. El Grischun èn actualmain dus procuraturs extraordinaris en acziun. Quai pervia da dus cas brisants. Esther Omlin, procuratura publica generala dil chantun Sutsilvania duai examinar las renfatschas en connex cun l'arrestaziun d'Adam Quadroni e gia dapi in onn è Beat Fehr, procuratur public dil chantun Son Gagl vid examinar in cas el Grischun. El è vid intercurir la vendita da la terma a Val Son Pieder.

Motivs per metter en procuraturs d'auters chantuns

Tar il cas da la terma a Val saja la mancanza da capacitad il motiv daco ch'in procuratur extern fetschia las inquisiziuns. Il cas en connex cun l'arrestaziun da Quadroni vegn intercurì tras ina persuna externa perquai che la procura publica dal Grischun haja incumbensà la regenza grischuna da metter en in tal. Il motiv: evitar ch'i dettia reproschas da na betg esser neutral en chaussa.

RR actualitad 17:00