Gieus olimpics 2026 - È Tavau pront per gieus olimpics cun stadion renovà?
Per avair il nivel olimpic per ils gieus eventulas dal 2026 en il Grischun, stuess il stadion da hockey a Tavau vegnir renovà. Quai decida il suveran da Tavau questa stad.
Tavau cun in stadion renovà pront per gieus olimpics?
Questa stad votescha la populaziun da Tavau davart ina renovaziun dal stadion da hockey. Vegni ditg gea, èsi cler ch’il stadion avess il 2026 nivel olimpic, di Marc Gianola, il schef da marketing tar il club da hockey da Tavau.
Plinavant èsi enconuschent ch’i po vegnir manà atras gronds eveniments da hockey en quest stadion.
A la Cuppa Spengler beneventia il HCD mintg’onn 70’000 aspectaturs en in’emna. Ins avessi pia la rutina ed experientscha, manegia l’anteriur chapitani da Tavau.
audio
Saira: Gieus olimpics – classa da talents da hockey Tavau
03:00 min, ord Actualitad dals 23.01.2017.
laschar ir. Durada: 3 minutas.
audio
Mezdi: Gieus olimpics – la halla da glatsch a Tavau
03:01 min, ord Actualitad dals 23.01.2017.
laschar ir. Durada: 3 minutas 1 Secunda.
audio
Bunura: Gieus olimpics – 'Be' hockey da dunnas a Tavau?
02:22 min, ord Actualitad dals 23.01.2017.
laschar ir. Durada: 2 minutas 22 Secundas.
Argumentaziun per lieu
Avrir la boxSerrar la box
Da vart da la campagna en favur da gieus olimpics 2026 en GR hai num, che las raschuns daco che gieus da hockey d'umens n'èn betg planisads a Tavau sajan cleras: I vegn pretendì dal concept ch'ins bajegia uschè pauca infrastructura nova sco pussaivel ed il stadion a Turitg ha dapli capacitad che portia dapli entradas.
«Be» hockey da dunnas a Tavau il 2026?
Aerials e Moguls – duas variantas da freestyle, passlung e hockey sin glatsch da las dunnas. Quai èn las disciplinas che duain tenor il concept general avair lieu a Tavau. Cun quest concept na fiss ins betg cuntent, declera Tarzisius Caviezel, president communal da Tavau.
Per nus n'è quai nagin tema. Sche nus vegnin atras questa votaziun e Swissolimpic vul ir vinavant cun il concept dal Grischun vegnin nus schon a guardar che nus survegnin hockey sin il glatsch per ils umens a Tavau.
Ils talents dad oz – olimpionics da damaun?
Mintga glindesdi avantmezdi treneschan intgins scolars da la scola da talents da Tavau sin il glatsch. Tranteren stattan dentant er trenaments da forza e cundiziun sin il plan.