Siglir tar il cuntegn
Inhalt

Chantun E-voting en Grischun – emprims pass concrets

La regenza grischuna ha surdà l'incumbensa per in sistem dad e-voting. Sis vischnancas duain sa participar davent dal 2020 a la fasa da pilot per introducir il vuschar electronic.

Tastatura da computer e cedel da votar.
Legenda: La regenza ha surdà l'incumbensa per in nov sistem dad e-voting. Keystone

La regenza grischuna ha surdà a la Posta svizra SA l'incumbensa per in nov sistem dad e-voting. La Posta svizra adempleschia cumplainamain las pretensiuns per realisar il votar electronic en il Grischun, communitgescha il chantun.

Fasa da pilot en sis vischnancas

L'e-voting vegn introducì e derasà en etappas. Per l'onn 2020 è previsa ina fasa da pilot cun probablamain 6 vischnancas ed a partir dal 2021 duain ulteriuras vischnancas vegnir vitiers. Quant svelt che l'e-voting po vegnir realisà dependia essenzialmain da las vischnancas che pon decider quai.

Ils 12 da favrer da quest onn ha il Cussegl grond stgaffÌ la basa legala per introducir il e-voting – quai cun la revisiun parziala davart ils dretgs politics. Sin quai ha la chanzlia chantunala instradà l'acquisiziun publica d'in sistem dad e-voting.

RR novitads 11:00