E-voting vegn - insacura

Cura vegn il votar electronic, l'e-voting? Questa dumonda spetga daditg sin ina resposta. Il chantun Son Gagl ha decidì d'introducir il sistem il 2017. Il Grischun ha in'atgna strategia: El vul tenor il chancelier chantunal Claudio Riesen l'emprim stgaffir l'onn proxim la basa legala.

purtret d'in laptop, inscripziun e-voting. Bild in Lightbox öffnen.

Legenda da maletgs: En tut la Svizra na betga vant il 2021 - quai di Claudio Riesen da la Chanzlia chantunala. Keystone

Avon passa in onn han nov chantuns, tranter quests era il Grischun, terminà lur collavuraziun per introducir il votar electronic. Pervi da gronds dubis davart la segirtad da l' e-voting n'aveva la Confederaziun betg lubì questa pussaivladad per las elecziuns 2015. Il project na saja betg mess sin glatsch, sincerescha il chancelier chantunal, Claudio Riesen.

Il mument dettia dus purschiders che hajan in sistem ch'adempleschia las pretensiuns da segirtad da la Confederaziun: il chantun Genevra e la Posta. Il chantun Son Gagl è sa decidì per il sistem da Genevra che custa 1,8 milliuns francs. Il sistem da la Posta avess custà 2,4 milliuns francs.

RR actualitad bunura 06:00