Siglir tar il cuntegn

Header

cuntegn

Economia Consequenzas dal lockdown en graficas

Tgi profitescha e tgi patescha – quai è era durant la crisa dal coronavirus uschia. Las consequenzas per l'economia fa RTR transparent sin basa da trais indicaturs per il Grischun e per l'entira Svizra.

1. Indicatur: Dischoccupaziun

Ina quota da dischoccupaziun da 3,4% l'avrigl 2020 quai è extraordinari per il Grischun e perfin pli aut ch'en l'entira Svizra (3,3%). Igl è dentant da dir che blers stagiunaris n'han betg bandunà la Svizra ord tema, ch'els na possian eventualmain betg returnar pervia dals cunfins serrads.

Las quotas en auters chantuns da la Svizra ed ulteriuras infurmaziuns:

2. Indicatur: Lavur curta

Adina dapli persunas e firmas en il Grischun èn pertutgadas da lavur curta. Surtut il mars è il dumber explodì sin circa 5'000 manaschis.

3. Indicatur: Svilup dal BIP

Il product naziunal brut BIP è in indizi per mussar la forza economica da l'entira Svizra. Dal 2009 fin il 2019 è il product naziunal brut creschì en Svizra da 589,2 milliardas francs sin 698,7 milliardas. En general èsi stà in zic in si e giu - dentant nagins excess marcants ils ultims 10 onns - enfin quest onn:

Las cifras da l'emprim quartal 2020 mussan: Cun la pandemia da corona ed il lockdown va il BIP lunsch en las cifras cotschnas – surtut la gastronomia e hotellaria patescha cun in minus da 23,4% cumpareglià cun l'ultim quartal.

BIP = product naziunal brut

Textbox aufklappenTextbox zuklappen

Il product naziunal brut BIP inditgescha la valur totala da tutta rauba, ils bains ed ils servetschs che vegnan producids aifer l’economia publica dad in pajais. Il BIP vala er sco mesira per la prestaziun economica d’in pajais aifer in tschert temp, per regla durant in onn. El vala er sco instrument per mesirar il creschament economic.

E las prognosas per la conjunctura n'èn betg bunas: Il Secretariat statal per l'economia SECO quinta cun ina recessiun en Svizra:

RTR actualitad 07:00