Betg mo Hanspeter Lebrument e cuntent dal resultat dals 14. da zercladur davart il LRTV. Era Peter Wanner, l'editur da las «AZ Medien», ha d'ina vart beneventà l'approvaziun da la revisiun. Da l'autra vart ha el aschuntà ch'il pievel haja cun il ferm «na» vulì franar in'expansiun senza mesira da la SRG.
Sa concentrar sin radio e televisiun
Ils editurs vulan che la SRG sa concentreschia sin sia fatschenta centrala, il radio e la televisiun. La purschida online da la SRG stettia en blers cas en directa concurrenza cun il martgà privat.
Dal martgà da reclama duain sulettamain ils editurs privats pudair far diever. La SRG ha prendi enconuschientscha da las propostas dals editurs, ma n'ha dentant betg commentà quellas envers la SDA.
Il suveran svizzer ha ditg «gea» a la nova lescha da radio e televisiun cun mo 50,08% da las vuschs.
RR novitads 17:00