Siglir tar il cuntegn

Header

cuntegn

Elecziuns a Tavau Trais candidats empermettan in cumbat plain tensiun

Dapi glindesdi èsi cler ch’era la PLD batta per il post dal landamma a Tavau. Peter Engler ha dà enconuschent sia candidatura.

Ensemen cun Valérie Favre Accola da la PPS e cun Philipp Wilhelm da la PS aspireschan trais persunas per il post da landamma. Forsa datti anc ina quarta candidatura, pertge era Christian Stricker, senza partida, ponderescha dad ir en il cumbat. Decider vul el la fin da favrer.

Ina tala schelta empermetta elecziuns plain tensiun. Tavau elegia il zercladur il successur per Tarcisius Caviezel che ha dà enconuschent il schaner sia demissiun.

audio
Tavau – Trais candidats per l'uffizi da landamma
ord Actualitad dals 11.02.2020.
laschar ir. Durada: 3 minutas 27 Secundas.

Ils candidats en cursa politiseschan tuts trais en il Cussegl grond ed èn politichers versads:

  • Peter Engler ha fatg part dal 2009 fin il 2012 da l’uschenumnà Kleiner Landrat, da la regenza da Tavau. Da preschent è el schef da las pendicularas a Lai.
  • Era Valérie Favre Accola ha sco commembra da la regenza da Tavau experientscha da guvernar. Sch’ella vegniss elegida fiss ella l’emprima dunna landamma.
  • Philipp Wilhelm è enconuschent en il chantun sco president da la PS grischuna. Cun ses 31 onns sa senta el sco represchentant da la generaziun giuvna.

RTR actualitad 17:00

Artitgels legids il pli savens