Siglir tar il cuntegn

Header

video
L'entira discussiun per il Cussegl dals chantuns
Or da RTR Social dals 17.09.2019.
laschar ir
cuntegn

Cumbat electoral, lufs e clima La discussiun tranter ils candidats per il Cussegl dals chantuns

6 candidats, 6 partidas, 6 opiniuns dentant mo 2 sez a Berna – ils candidats per il Cussegl dals chantuns a la maisa da discussiun dal Radio Rumantsch.

Tar las elecziuns 2011 e 2015 hai dà nagin cumbat per ils dus cussegliers dals chantuns. Quest onn datti concurrenza da dretg e da sanester per il cristian-democrat Stefan Engler ed il liberal-democrat Martin Schmid. Gist quatter attatgan lur sezs. Il social-democrat Jon Pult, Valérie Favre-Accola da la PPS, la verd-liberala Géraldine Danuser e l’independent Timo Stammwitz. Quai èn tants candidats sco anc mai. Er nov è che trais dals candidats candideschan per omaduas chombras. Jon Pult, Valérie Favre-Accola e Géraldine Danuser candideschan per il Cussegl dals chantuns e per il Cussegl naziunal.

audio
Discussiun davart il cumbat electoral
15:55 min, Actualitad dals 15.09.2019.
laschar ir. Durada: 15:55 minutas.

La problematica dals lufs

Avant bun in'emna ha il Cussegl dals chantuns decidì en favur a la revisiun da la lescha da chatscha. Ins duai er dastgar sajettar lufs en ils asils. La fatschenta va uss enavos en il Cussegl naziunal. Pliras organisaziuns per protecziun d'ambient e dals animals han gia annunzià da far in referendum. Tge dian ils candidats per il Cussegl dals chantuns tar la problematica dal luf? E duai il chantun Grischun survegnir la cumpetenza cumplaina per reglar la populaziun dal luf?

audio
Discussiun davart ils lufs
15:38 min, Actualitad dals 15.09.2019.
laschar ir. Durada: 15:38 minutas.

La midada dal clima

Il cumbat electoral 2019 è dominads dal clima. Il Cussegl federal ha decidì che la Svizra duai daventar neutrala pertutgant il clima fin l'onn 2050. Co duai il Grischun garantir vinavant il provediment da forza electrica cun la strategia d'energia 2050? Èn taxas directivas la dretga via?

audio
Discussiun davart il clima
19:10 min, Actualitad dals 15.09.2019.
laschar ir. Durada: 19:10 minutas.

Facit da la discussiun

La constellaziun dals candidats mussa, i fruntan munds politics in sin l'auter. Ils candidats cun experientscha a Berna e Jon Pult han dominà la discussiun. Betg propi vegnida da metter accents en la discussiun è vegnida la candidata da la PPS, Valérie Favre-Accola. Ils dus giuvens candidats Géraldine Danuser e Timmo Stammwitz han bain pudì preschentar lur finamiras politicas, n'èn dentant betg vegnids dad ir pli profund.

audio
Il facit da la discussiun
04:11 min, Actualitad dals 16.09.2019.
laschar ir. Durada: 04:11 minutas.

L'entira discussiun

audio
L'entira discussiun cun ils e las 6 candidatas e candidats
57:06 min, Actualitad dals 15.09.2019.
laschar ir. Durada: 57:06 minutas.

RR la discussiun 20:00

Artitgels legids il pli savens

Scrollar a sanestra Scrollar a dretga