Siglir tar il cuntegn

Header

Il maletg mussa la sala dal Cussegl grond
Legenda: Deputadas e deputads actuals vid la lavur. RTR Nadja Cadonau
cuntegn

Elecziuns 18: Cussegl grond Bunamain 170 candidatAs per 120 sezs

Roschada en il Cussegl grond: Bun in terz da las deputadas e dals deputads na stattan betg a disposiziun per in'ulteriura perioda d'uffizi. Quai dat plaz per novas fatschas.

Elegì vegn ils 10 da zercladur 2018 tenor il principi da maiorz. En ils 39 circuls d'elecziun han en tut bunamain 170 persunas interess vid in mandat en il parlament chantunal. Quai mussan retschertgas dad RTR.

PBD sto remplazzar la mesa fracziun

La Partida burgaisdemocratica è cun 27 deputadas e deputads actualmain la terz ferma fracziun en il Cussegl grond. Ella sto dentant magunar bleras demissiuns: 14 persunas han annunzià da chalar – quai è passa la mesadad da la fracziun.

Midadas datti dentant era tar las duas pli fermas fracziuns: La Partida liberaldemocratica (34 sezs) e la partida cristiandemocratica (31 sezs) han da remplazzar mintgamai 10 deputadas e deputads. Quai è circa in terz da la fracziun.

PPS cun offensiva da candidatAs

La fracziun da la PPS dumbra actualmain nov persunas – da quellas chalan trais. En las elecziuns dals 10 da zercladur trametta la partida dentant 24 candidatas e candidats.

CandidatAs per Cussegl grond

PLD45
PCD36
PBD33
PS
22
PPS24
PVL5
Verda1
senza partida
1

RTR elecziuns

Artitgels legids il pli savens