Siglir tar il cuntegn

Header

cuntegn

Elecziuns 18: Jon D. Parolini Persunal: «En sasez sun jau in ch'ha pazienza»

Cun sia dunna è Jon Domenic Parolini gugent en ils culms ed el cuschina er gugent – cunzunt risotto.

Jon Domenic Parolini è creschì si en Engiadina Bassa a Scuol. Là ed a Samedan è el ì a scola. Pli tard ha el studegià economia forestala a l'ETH a Turitg. Silsuenter è el stà engaschà fermamain en il turissem tar differentas organisaziuns turisticas.

Dal 2000 fin il 2014 è el stà president communal da Scuol e dasperas deputà en il Cussegl grond – fin il 2014 cura ch'el è vegnì elegì sco cusseglier guvernativ.

Jon Domenic Parolini

Avrir la box Serrar la box

Lieu: Scuol

Annada: 1959

Professiun: Manader dal departament d'economia e fatgs socials

Hobis: Viandar, far turas da skis, cuschinar, chatscha

Famiglia: Maridà e bab da dus uffants

audio
Bunura: In di cun Jon Domenic Parolini
ord Actualitad dals 16.05.2018.
laschar ir. Durada: 5 minutas 41 Secundas.

In dals culms

Malgrà che Jon Domenic Parolini lavura sco cusseglier guvernativ a Cuira en la chasa grischa, abita el anc adina a Scuol. Là es el er datiers da ses hobis sco ir cun skis, far turas da skis, far passlung, ir a culm, viagiar, ir cun il bike e sa chapescha er ir a chatscha. Quai tut hobis ch'èn enconuschents – in main enconuschent è il cuschinar: Cunzunt risotto cuschina Jon Domenic Parolini savens, il pli gugent cun in bun toc charn selvaschina vitiers.

Sa sez vesa Jon Domenic Parolini sco persuna che po tadlar fitg bain e cun blera pazienza. Tar el dovria quai fitg bler fin ch'el vegnia malpazient.

Artitgels legids il pli savens