Siglir tar il cuntegn

Header

cuntegn

Elecziuns 18: Linard Bardill Persunal: «Jau hai lung flad»

Enconuschent è Linard Bardill cunzunt vegnì sco chantautur da chanzuns per uffants. Chanzuns sco «Mini Geiss» u «Mia flotta Lisalotta» enconuschan blers.

L'artist che viva cun sia famiglia a Scharans ha 61 onns ed è naschì a Cuira. La scola primara ha el fatg a Cazas e la matura a Schiers. Silsuenter ha el studegià teologia a Turitg. Dentant gia sco buobet saveva el, ch'el veglia ina giada scriver cura ch'el saja grond: In grond poet vuleva el daventar e scriver sur dad erox, retgs e princessas.

Linard Bardill

Avrir la box Serrar la box

Lieu: Scharans

Annada: 1956

Professiun: Chantautur

Hobis: Musica, nudar, «qigong»

Famiglia: Maridà, tschintg uffants

In tip cun in lung flad e pauca pazienza

Il tratg caracteristic che Linard Bardill ha il pli gugent vida sa sez è ses lung flad. Sch'el lavuria vid in project, lura mettia el tut las forzas en quai project per far insatge positiv ord quel. In tratg caracteristic ch'el n'ha betg uschè gugent è ch'el ha pauca pazienza. Sch'ina persuna decleria ad el pertge ch'ins na possia betg far insatge, lura survegnia el la ravgia. El manegia ch'i fiss meglier, sche quella persuna investiss sia energia plitost per chattar ina via per tuttina realisar il project.

audio
Bunura: In di cun Linard Bardill – ses mintgadi
ord Actualitad dals 17.05.2018.
laschar ir. Durada: 6 minutas 44 Secundas.

Far pacific sin il mises

Sche Linard Bardill po passentar in di perfetg, lura fa el quai sin ses mises en la Mantogna (Heinzenberg). Sa chapescha ensemen cun sia famiglia. El giaudia da simplamain esser, guardar enturn, tadlar ils utschels e fimar ina cigara. Mintgatant cun currer enturn e far ina massa, vegnia a la curta da simplamain propi esser preschent. Per el è il pli grond relasch dad esser preschent, senza insatge che disturba.

RR actualitad 07:00

Artitgels legids il pli savens