Siglir tar il cuntegn

Header

Mario Cavigelli vul vegnir reelegì.
Legenda: Mario Cavigelli vul vegnir reelegì. MAD
cuntegn

Elecziuns 18: Mario Cavigelli Politica: «Jau vi cumbatter per plazzas da lavur en la periferia»

Sper cumbatter per plazzas da lavur vul Mario Cavigelli colliar las regiuns – saja quai cun il traffic public u er cun vias.

Mario Cavigelli maina dapi il 2010 il departament da construcziun, traffic e selvicultura. En ses otg onns sco cusseglier guvernativ ha el tranter auter gì da sa fatschentar cun la chatscha e cun ils animals da rapina sco luf ed urs. Duas tematicas fitg emoziunalas ch'han er adina puspè chaschunà critica envers il cusseglier guvernativ.

audio
Mezdi: Bilantscha politica da Mario Cavigelli
04:08 min, Actualitad dals 14.05.2018.
laschar ir. Durada: 04:08 minutas.

Quai na saja dentant nagin problem per el, cun quai possia el ir enturn bain. Magari saja er da star nà e conceder ch'ins haja fatg in sbagl. Quai è era capità a Mario Cavigelli: El n'aveva betg dà vinavant infurmaziuns d'in scriver da l'uffizi federal per ambient en connex cun l'iniziativa che vul abolir la chatscha supplementara. Silsuenter è el sa perstgisà en il Cussegl grond. I saja stà in sbagl politic, dentant betg in sbagl dal fatg, uschia Mario Cavigelli.

Per quai vul Mario Cavigelli s'engaschar

  • plazzas da lavur en regiuns perifericas
  • in tschains d'aua fair
  • la chatscha sco part da l'identitad grischuna
audio
Saira: In di cun Mario Cavigelli – sin il viv
07:07 min, Actualitad dals 14.05.2018.
laschar ir. Durada: 07:07 minutas.

«Ins sto colliar las regiuns»

La finamira da Mario Cavigelli per la proxima legislatura èsi da colliar las regiuns. Saja quai cun il traffic public u cun vias. Sper quai vul el garantir ina basa economica da surviver per las vischnancas en la periferia e cumbatter per plazzas da lavur en las regiuns. Sco minister d'energia vul el er s'engaschar per ch'i dat vinavant in tschains d'aua fair. Quai muntia era ch'el vegnia a cuntinuar cun las lavurs ch'el haja gia cumenzà, uschia Cavigelli.

audio
Mezdi: Tge vegn a midar cun Mario Cavigelli?
04:04 min, Actualitad dals 14.05.2018.
laschar ir. Durada: 04:04 minutas.

RR actualitad 12:00

Artitgels legids il pli savens

Scrollar a sanestra Scrollar a dretga