Siglir tar il cuntegn

Header

President da la PBD e Duri Campell.
Legenda: La PBD ha gì ina terrada durant las elecziuns naziunalas.. els han pers fermezza da fracziun ed na han betg savì defender il sez da Duri Campell en il Cussegl naziunal. Keystone
cuntegn

Partida burgais-democratica La PBD dal Grischun – co vinavant?

La Partida burgais-democratica dal Grischun è, suenter la terrada tar las elecziuns naziunalas, vid discutar co vinavant cun la partida. Fin uss stattan trais variantas sin maisa.

Tranter auter ha la direcziun da la partida fin uss discutà cun exponents da la partida ed experts da politica externs. Il mument sajan trais variantas pussaivlas per il futur da la partida sin maisa, communitgescha la PBD.

  • Varianta 1: restar independenta e far ina nova entschatta
  • Varianta 2: far ina colliaziun cun in’autra partida ma vinavant restar independenta
  • Varianta 3: fusiunar cun in’autra partida

Era da schliar la partida è stà en discussiun, dentant na vegnia quella varianta betg en dumonda.

La radunanza da commembers ch'era prevesida per l'entschatta da favrer sposta la partida, perquai ch'il temp na saja uss anc betg madir per prender decisiuns.

Ord l'archiv:

Il Telesguard ha dumandà gia in di suenter las elecziuns nauschas ord vista da la PBD il politolog Michael Hermann da l'Institut da perscrutaziun Sotomo tge ch'el dat per schanzas a la PBD:

video
Il futur da la PBD - co vinavant?
Or da Telesguard dals 21.10.2019.
laschar ir

RTR novitads 08:00

Artitgels legids il pli savens

Scrollar a sanestra Scrollar a dretga