Siglir tar il cuntegn

Header

Navigaziun

Giuvenil e creschì vi da montar ina cazzola.
Legenda: Pliras branschas en Grischun han difficultads da chattar emprendists. Keystone
cuntegn

Emprendissadi La sfida da chattar emprendists en il Grischun

Il fanadur eran anc radund 700 plazzas d’emprendissadi en il Grischun libras. Betg avair in plaz d’emprendissadi è in grond problem per in giuvenil, ma betg avair emprendist è era in problem per la fatschenta.

Ina da quellas fatschentas è la Electro Vincenz SA da Laax. Pir la davosa secunda han els chattà in emprendist. Il manader Daniel Vincenz di ch’i saja plitost grev da motivar glieud giuvna d’emprender in mastergn manual. El envida mintgamai las classas da la 2. secundara e reala da Laax da vegnir a far in di in fufragnadi tar els en fatschenta. Vincenz manegia ch'i gidia ils giuvenils dad era ina giada udir la vista dad insatgi che lavura sin quest mastergn e betg be dal scolast u dals geniturs.

La branscha d'hotellaria

Era la branscha d'hotellaria ha grondas fadias d’occupar las plazzas d’emprendissadi. Andreas Baselgia, il manader da l'hotel Greina a Rabius manegia ch'ils temps da lavur da cuschinier sajan in dals problems principals. Ma era las annadas pli pitschnas sajan in punct decisiv, di Baselgia.

L’uniun tetgala da gastronomia Gastro Grischun emprova da far la sparta da l'hotellaria pli attractiva per ils giuvenils. Andreas Baselgia è dentant sceptic envers questas stentas. Tenor el n'èn las pajas betg il problem e midar ils temps da lavur na saja betg pussaivel.

RR actualitad 12:00