Siglir tar il cuntegn

Header

audio
Per tadlar curt e cumpact
Or da Novitads dals 06.07.2020.
laschar ir. Durada: 01:00 minutas.
cuntegn

Emprim di cun mascrina Viafier retica ed AutoDaPosta fan bilantscha positiva

Dapi questa bunura vala in obligatori da mascrina en il traffic public. Ils passagiers e las passagieras hajan resguardà quel fitg bain.

Co che la Viafier retica ha ditg envers RTR n'haja dà nagins incaps. Mo singuls passagiers hajan ins stuì avisar ch'i vala in obligatori da mascra da protecziun.

Sumegliant tuna er tar AutoDaPosta. Mo in punct haja chaschunà intginas irritaziuns: Ils manischunz e las manischunzas da las postas na portan per part nagina mascra. Tenor Katharina Merkle, pledadra da medias da AutoDaPosta, possian ils chauffeurs bain tegnair en la distanza da 1,5 meters. Tar ils passagiers na saja quai anc adina betg pussaivel.

Era sin nivel naziunal fan ils gronds manaschis da traffic public ina bilantscha positiva.

Mascrina senza discussiun en pendicularas

Er tar las pendicularas da l'Arena Alva haja l'obligatori betg dà discussiuns. Sco Martin Hug, commember da la direcziun e president da Pendicularas Grischun di, hajan a Flem, Laax, Falera be 12 giasts betg purtà ina mascra. La pli gronda part haja prendì sez la mascra. La finala hajan tuts resguardà bain l'obligatori senza discussiuns.

RTR novitads/ actualitad 17:00