Siglir tar il cuntegn

Chantun Emprim la plievgia e suenter in pitschen comeback da l'enviern

En il decurs dal suentermezdi èsi da quintar en diversas regiuns dal Grischun cun plievgia intensiva. Igl è pussaivel ch’i dat singulas inundaziuns. La gievgia dat l'enviern alura in pitschen comeback.

Trais persunas cun paraplievgias
Legenda: Il mardi suentermezdi vegn la plievgia era en il Grischun. Keystone

I dat plievgia intensiva e ferms urizis oz suentermezdi, di Peter Pöschl da SRF Meteo. Quai spezialmain en las valladas dal sid. Ma er en il nord dal chantun èsi da far quint cun plievgia intensiva. Localmain saja uschia er pussaivel ch'i dettia inundaziuns.

Ma, schon proxima notg ed en il decurs da damaun vegni pli ruassaivel. Damaun datti spezialmain anc en l’Engiadina Bassa ed en Partenza plievgia intensiva.

Suenter la plievgia vegn l’enviern

Ils proxims dis croda il cunfin da naiv successivamain. Gievgia èsi da far quint cun naiv fin 1’500 meters. Quai spezialmain en il Partenz. Blera naiv na dettia dentant betg, di Peter Pöschl. Uschia datti gievgia anc maximal 15 grads en il Grischun.

Sin la fin d’emna turna dentant il sulegl puspè enavos e las temperaturas creschan puspè sur 20 grads.

RR actualitad 12:00