La Ems-Chemie ha envidà a sia 57avla radunanza generala, quest onn dentant per l'emprima giada a moda virtuala. Ils acziunaris e giasts han gì access online al program da rom cun pleds, preschentaziuns da products da l'interpresa e musica live da la Compagnia Rossini e dals tamburs da Domat. Sulet il gentar e la cumpagnia han mancà, cumpareglià cun auters onns.
Dicisiuns ed elecziuns a scrit
Avant la radunanza avevan ils acziunaris prendì decisiuns a scrit: Nov president dal cussegl d'administraziun da la Ems-Chemie è Bernhard Merki, el suonda ad Ulf Berg. Reelegids èn ils commembers dal cussegl d'administraziun da fin uss: Magdalena Martullo-Blocher (vicepresidenta), Joachim Streu e Christoph Mäder.
E per aczia datti ina dividenda da 20 francs. Quella vegn pajada ora davent dals 13 d'avust.
