Siglir tar il cuntegn

Header

cuntegn

En cas da dischoccupaziun Annunzia digitala empè tar chanzlia communala

Tgi che perda la lavur na sto betg pli annunziar quai tar la vischnanca, mabain po far quai en l’avegnir a moda digitala. Perquai scroda questa incumbensa tar las vischnancas. Il Cussegl grond ha revedì unanimamain e senza discussiuns la lescha.

La raschun per reveder la lescha per l’intermediaziun da lavur e l’assicuranza cunter la dischoccupaziun è ina midada tar la Confederaziun: En l’avegnir duain persunas che perdan la lavur pudair emplenir ora a moda digitala ils formulars per survegnir indemnisaziuns. Quels van lura direct tar ils Centers regiunals per l’intermediaziun da lavur (RAV).

Cura che questa midada succeda n’è anc betg cler – la lescha federala na va betg en vigur avant la stad 2021. Tuttina sto il Grischun era adattar sia lescha.

Nus n'avain naginas libertads – las prescripziuns federalas èn fitg cleras.
Autur: Marcus Caduff Cusseglier guvernativ (PCD)

Questa pitschna midada n'ha betg dà da discutar tranter deputadas e deputads – era perquai ch'i na sa mida uschiglio nagut tar il proceder e la lavur dals RAV's.

audio
Per tadlar: Las novitads da las 16.00
ord RTR Audio dals 27.08.2020. Maletg: RTR
laschar ir. Durada: 3 minutas 21 Secundas.

RTR novitads 16:00

Artitgels legids il pli savens