Siglir tar il cuntegn

Header

video
Adina damain fusiuns
Or da Actualitad dals 30.05.2017.
laschar ir. Durada: 1 minuta 17 Secundas.
cuntegn

Chantun En Grischun stagneschan las fusiuns

Ils davos onns e decennis èsi vegnì fusiunà savens en il chantun Grischun. Igl ha dà grondas e pitschnas fusiuns da vischnancas. Uss èsi vegni ruassaivel.

Sin la glista da projects actuals èn il mument be 3 fusiuns:

  • Tusaun e Mut (va en vigur il 2018)
  • Filisur e Bravuogn (va en vigur il 2018)
  • Breil, Vuorz ed Andiast (votaziun fin da zercladur)

La finamira dal chantun è tar 100 vischnancas – schizunt 50

Sche quellas fusiuns vegnan atras è il dumber da vischnancas en il Grischun tar 108. Finamira dal chantun, tenor la decisiun dal cussegl grond il 2011, è da sbassar il dumber fin igl onn 2020 sin 100 vischnancas. Ed a lunga vista schizunt sin 50 vischnancas.

Finamira è pli e pli greva da cuntanscher

Sco la situaziun è actualmain è la finamira greva da cuntanscher. Thomas Kollegger da l'uffizi da vischnancas è dentant optimistics, ch’ins vegnia a dumagnar las finamiras.

Far squitsch sin las vischnancas na portia nagut, las fusiuns stoppian vinavant crescher da sutensi. Els sappian mo empruvar da mussar a las vischnancas, ch’i dat dapli avantatgs che dischavantatgs.

Il chantun vegn vinavant a sustegnair las fusiuns cun pajaments. En la cassa da fusiuns dal chantun èn anc passa 100 milliuns francs.

audio
Bunura: L’unda da fusiuns gronda è passada
ord Actualitad dals 30.05.2017.
laschar ir. Durada: 2 minutas 5 Secundas.

RR actualitad 08:00

Artitgels legids il pli savens