Siglir tar il cuntegn
cuntegn

Chantun En il Grischun èn in zic damain persunas senza lavur

Il matg è il dumber da dischoccupads en il Grischun sa reducì sin total 2'214 persunas.

In lavurer vid catramar.
Legenda: Cunzunt grazia a dapli lavur sin ils plazzals è la dischoccupaziun sa reducida. Keystone

Quai èn 225 persunas senza lavur damain che l'avrigl. La quota da dischoccupaziun è sin 2%, uschia communitgescha l'Uffizi per industria mastergn e lavur dal Grischun. La pli gronda part dals dischoccupads deriva da la gastronomia, alura era la construcziun da bajegiar ed il commerzi en detagl.

Era reducziun en Svizra

En Svizra è la quota da dischoccupaziun sa reducida levet sin 3,2%. 136'000 persunas eran il matg senza lavur, quai èn 5'000 pli pauc che l'avrigl.Quai communitgescha il secretariat da stadi per l'economia Seco.

Dapli lavur curta

Pervi da l'aboliziun dal curs minimal da l'euro è s'augmentada la lavur curta en Svizra, quai per 41%. Tenor il Seco fan actualmain passa 5'000 persunas lavur curta en 519 manaschis.
En il Grischun han 15 manaschis introducì il matg lavur curta, pertutgadas èn 172 collavuraturs. En cumparegliaziun cun il mais avant, cun 20 manaschis e 203 persunas pertutgadas, è la lavur curta sa reducida.

RR Novitads 08:00