Siglir tar il cuntegn

Header

cuntegn

Chantun En tut las regiuns han las pendicularas grischunas pers

La mancanza da naiv ha reducì marcantamain il dumber da giasts en il Grischun il mais passà.

Las Pendicularas grischunas han dumbrà il schaner da quest onn bunamain in quart damain giasts. Cumpareglià cun il schaner 2015 è il dumber da giasts sa reducì per 23,6%. Quai resulta dal monitoring da las Pendicularas grischunas.

La pli gronda reducziun hai dà en la regiun dal Grischun central ed Arosa. En questa regiun hai las pli bleras interpresas pitschnas, che n'han naginas u sulet pitschnas pussaivladads da far naiv artifiziala.

Per l'organisaziun da branscha Pendicularas Grischun èn las raschuns da las sperditas cleras, sco ella scriva. D'ina vart han la mancanza da naiv e las temperaturas fitg miaivlas lavagià als giasts l'impressiun d'enviern. Da l'autra vart ha il ferm franc svizzer spaventà in pau ils giasts dal di.

RR Novitads 11:00

Artitgels legids il pli savens