Siglir tar il cuntegn
Inhalt

Chantun Energia da vent era impurtanta per il Grischun

Il plan directiv dal chantun Grischun vegn cumplettà cun il tema d'energia da vent, quai ha la regenza grischuna decis. En vista a la midada sin il sectur da l’energia gudognan las energias regenerablas impurtanza.

La roda da vent a Haldenstein.
Legenda: La roda da vent a Haldenstein. Keystone

La raschun è la decisiun dal Cussegl federal e dal parlament da sortir da l'energia nucleara. En consequenza vegnan las energias regenerablas adina pli impurtantas. Quai scriva la regenza grischuna. Uschia èsi da quintar che l’energia da vent survegn dapli paisa en Svizra ed er en il Grischun.

Implants d’energia da vent pretendan reglas

Las consequenzas per la natira sco er per il maletg da la cuntrada pretendan principis, scriva la regenza. Er l’interess da duvrar energia da vent en il Grischun pretendan principis liants.

En il mussavia vegn fixadas las pretensiuns generalas per la planisaziun d’implants da vent sco er ils pass decisivs per la procedura. Lieus adattads per energia da vent na vegnan betg fixads en il plan directiv chantunal, mabain pervi da las consequenzas per gronda part regiunalas en ils plans directivs regiunals.

Il plan directiv cumplettà vegn uss suttamess a la Confederaziun.

RR novitads 09:00