Il chantun Grischun pudess producir bler dapli energia ord la biomassa laina che quai ch'el fa actualmain. Tenor in studi pudess il chantun producir mintg'onn electricitad ord la laina per radund 900 uras gigawatt. Da quai nizzegia il Grischun actualmain radund la mesadad, respunda la regenza grischuna ad ina dumonda ord il Cussegl grond. Il potenzial fiss pia grond.
En total vegn producì en il Grischun radund 8000 uras gigawatt energia. En il mument è l'energia ord la biomassa laina dentant be 1,5% da l'energia producida. La regenza è dal avis che l'energia da laina survegn dapli muntada en l'avegnir. Gia oz promovia il chantun finanzialmain da nizzegiar laina sco biomassa.