Siglir tar il cuntegn

Header

audio
La naiv è qua
Or da Actualitad dals 06.11.2017.
laschar ir. Durada: 00:39 minutas.
cuntegn

Chantun Enfin 50 centimeters naiv en las muntognas

La notg da dumengia sin glindesdi èsi vegni pli fraid. Il cunfin da naiv è crudà sin 600 meters ed uschia èsi er vegni alv en bleras regiuns dal Grischun.

La naiv saja tenor SRF Meteo vegnida nà dal sid. Uschia ch’i haja cunzunt dà blera naiv en l’Engiadina. 39 centimeters èsi vegnì mesirà a San Murezzan e 29 centimeters a Samedan. Pli pauc naiv hai dà en il Grischun Central ed en Surselva. A Tavau èsi vegnì mesirà 15-20 centimeters e sisum la Surselva 10-15 centimeters.

Naiv en l’entira Svizra

Nua ch’i ha dà naiv è stà fitg dependend da las precipitaziuns. Uschia per exempel hai dà en il chantun Glaruna scrottas sut 600 meters. Era alv hai pudì vegnir a Langnau en l’Emmental, a Nossadunnaun u en la citad da Sogn Gagl. En parts dal Vallais percunter èsi restà verd enfin sin 1200 meters sur mar.

En il decurs dal glindesdi naivi u plovi mo pli pauc. Era il cunfin da naiv va puspè ad aut sin bun 800 meters.

RR novitads 12:00

Artitgels legids il pli savens

Scrollar a sanestra Scrollar a dretga