Siglir tar il cuntegn

Header

video
7 tips da la polizia per prevegnir a laders
Or da RTR Social dals 24.10.2020.
laschar ir
cuntegn

Enguladitsch cun rumper en Co prevegnir ad infracziuns?

Malgrà che las cifras d’infracziun sa sminueschan en in Grischun èsi tuttina da prender serius ils rodund 700 cas ad onn. Prevegnir ad infracziuns ed enguladitschs clandestins pon ins gia cun pitschnas mesiras.

Il grond sbagl en connex cun la prevenziun d’infracziun saja da na far nagins patratgs, co proteger la chasa, uschia René Schuhmacher, expert da prevenziun tar la Polizia chantunala. Gia cun serrar tut las fanestras ed ischs, cura ch’ins va ord chasa, e betg zuppentar la clav en il liber, saja fatg ina massa.

Ulteriuras mesiras

Mesiras mecanicas, sco per exempel ischs pli ferms ed in sistem d’alarm pon augmentar la segirtad. Mintga abitaziun dovra dentant mesiras individualas. Ina cussegliaziun gratuita davart talas mesiras porscha la Polizia chantunala.

En emprima lingia cussegliain nus da lavurar cun meds mecanics, per ch’il lader na possia insumma betg en chasa. Il sistem d’alarm è lura in agid supplementar.
Autur: René Schuhmacherexpert da prevenziun tar la polizia chantunala

Traplà il lader in flagranti

En cas ch’ins va en chasa e chatta il lader, lura èsi sco pli emprim dad ir en segirtad. Lura da telefonar uschè spert sco pussaivel sin 117, a la polizia, uschia che lezza po forsa tschappar il delinquent.

In lader tut en nair avra la fanestra cun in guaffen.
Legenda: Ina fanestra mez averta vala sco fanestra averta. Uschia n'è lenguladitsch betg in'infracziun, mabain in enguladitsch clandestin. Quai è relevant per la segirada. Keystone

Co sa proteger

Textbox aufklappenTextbox zuklappen
  • Serrar ischs
  • Serrar fanestras
  • Proteger chaussas custaivlas
  • Laschar arder glischs
  • Tschentar en l’alarm
  • Na betg tradir sur social media ch’ins è en vacanzas
  • Laschar svidar la stgaffa da brevs tar absenzas
  • Infurmar vischins sch’ins è absent plirs dis
  • En cas d’infracziun immediat telefonar a la polizia 117

RTR actualitad 07:00

Artitgels legids il pli savens

Scrollar a sanestra Scrollar a dretga