Siglir tar il cuntegn

Header

Cunzunt ils giasts da la Germania han mancà sco quai ch’i para.
Legenda: Cunzunt ils giasts da la Germania han mancà sco quai ch’i para. Keystone
cuntegn

Chantun Er las chamonas da CAS sentan la digren dals giasts

Malgrà la stad da bellezza cun temperaturas chaudas, las chamonas dal Club alpin svizzer (CAS) han er sentì las consequenzas dal franc ferm.

Cunzunt ils giasts da la Germania hajan mancà, din per exempel Claudia Drilling da la chamona Jenatsch u Reto Barblan da la chamona Kesch. Latiers vegnia che la stad saja bain stada bellezza, dentant l'atun saja stà plitost miserabel per viandar

Pir la fin èsi propi cler

Per trair ina bilantscha cun cifras definitivas saja dentant anc memia baud. Bruno Lüthi dal marketing dal CAS di, che quellas cifras vegnian pir la fin da l'onn. Da far uss gia ina prognosa, na ristga el betg. El haja tant udì da chamonas en il Grischun che sajan stadas frequentadas fitg bain, sco er da chamonas che hajan gì da cumbatter.

RTR/sb/gc