Siglir tar il cuntegn

Header

Rosie Jörg viva dapi 40 onns en Svizra.
Legenda: Rosie Jörg è creschida si a San Francisco, viva dentant dapi bun 40 onns en Svizra. RTR, Gian Carlo Candinas
cuntegn

Chantun Era a Sedrun vegn elegì il nov president american

Clinton u Trump? Actualmain datti strusch ina dumonda che occupa uschè fitg la populaziun sin noss mund, e spezialmain la glieud cun in pass american. E persunas cun pass american datti era en il Grischun.

Ditg eri cler per Rosie Jörg: Ella na dat betg la vusch al republican Donald Trump ed era betg a la democrata Hillary Clinton. Ma, la fin finala saja ella tuttina sa decidida da dar la vusch a Clinton.

Jau dun la vusch a Clinton per evitar Trump.
Autur: Rosie JörgSpera fitg che Trump na vegni president american

Per Rosie Jörg saja quai incredibel ch'ina persuna sco Trump haja la schanza da vegnir nov president dals Stadis Unids da l'America. «El hassegia dunnas, el hassegia muslims, el vul construir in mir sin ils cunfins cun il Mexico». En quests muments sa turpegia ella dad esser Americana.

Ma, era Hillary Clinton na saja betg propi la persuna adattada sco presidenta americana. Era Hillary Clinton na para betg dad esser dal tut correcta, di Rosie Jörg. Sch’ins patratgi mo vid l’affera dad e-mails.

Bler contact cun l’America, ma la politica è tabu

La famiglia da Rosie Jörg viva anc oz en California. Ella ha era bler contact cun lezza. Ma sur dad in tema na vegn betg discurrì: la politica. Las nezzas sajan quasi tuttas fans da Trump. Sch'ellas discurrissian en famiglia davart las elecziuns, lura dessia quai mo dispitas.

Rosie Jörg sezza spera simplamain che Donald Trump na vegnia betg il successur da Barack Obama. Sche lez daventia president, lura na sappian ins simplamain betg, tge che schabegia, di Rosie Jörg.

RR actualitad mezdi 11:00

Rosie Jörg-Figueroa

  • 69 onns
  • Dapi 40 onns en Svizra
  • Maridada cun in Grischun
  • Creschida si a San Francisco (California)
  • Pensiunada
  • Passenta dapi la pensiun mez da l’onn a Sedrun, mez da l’onn a Florida

Artitgels legids il pli savens

Scrollar a sanestra Scrollar a dretga