Siglir tar il cuntegn
cuntegn

Chantun Era centers da fitness pateschan da la bell'aura da stad

Strusch che las temperaturas vegnan pli agreablas van sportists giuadora a tranar lur cundiziun ed arder las calorias. Per ils centers da fitness entschaiva lura la stagiun pli sitga.

in center da fitness cun apparaturas da velo e paisa
Legenda: Da bell'aura da stad marschan ils centers da fitness betg propi. Reuters

Sco plirs centers da fitness a Cuira, a Glion ed a Scuol conferman, saja la stad visitada pli magher. Il budget giaja la fin da l'onn però tuttina si. Quai perquai ch'ils blers visitaders cumpran abunnaments da l'onn.

Ultra da quai saja il boom da fitness anc adina grond, cunzun tier la giuventegna. Per tranar la musculatura saja quai era impurtant da lavurar cun paisas era durant la stad.

Cumpensar cun offertas spezialas

Cunquai che las frequenzas da clients èn pli bassas, ha in ni l'auter center da fitness offertas spezialas per la stagiun pli chauda. Per exempel abunnaments da 3 mais pli bunmartgads ubain era lecziuns da fuffragnar pli favuraivlas.

RR actualitad la bunura 06:00