Il settember ha la hotellaria grischuna nudà 3,3% dapli pernottaziuns ch’il settember da l’onn passà. Concret ha ella registrà 381’048 pernottaziuns. Tenor las cifras da l’Uffizi per economia e turissem dal Grischun han las destinaziuns Tavau/Claustra, Flem/Laax e Val nudà il pli grond plus. Passa 60% dals giasts derivan da la Svizra. Ils Tudestgs restan cun 17% ils pli fidaivels esters.
Era l’hotellaria svizra ha dumbrà quest settember dapli pernottaziuns ch’il settember da l’onn passà. Concret sa tracti da 3,6 milliuns pernottaziuns. Quai è in plus da 5,1%.
Dapli pernottaziuns ils emprims nov mais dal 2017
Davent dal schaner fin la fin da settember da l'onn han ils hoteliers grischuns registrà pli che 4 milliuns pernottaziuns. Cumpareglia cun las 3,8 milliuns pernottaziuns da schaner fin settember dal 2016 munta quai in augment da 3,9%.
En l'entira Svizra han ils hoteliers pudì registrar passa 29 milliuns pernottaziuns, quai che correspunda ad in plus da 4.5%.
Dapi il schaner 2017 quintan dentant 14 albierts da giuventetgna da nov tar la hotellaria. Sch'ins resguarda las pernottaziuns da quels albierts era per l'onn 2016, resulta sulettamain in surpli da 3,2% pernottaziuns dapli il 2017 ch'il 2016.
RR novitads 10:00
