Siglir tar il cuntegn
cuntegn

Chantun Èsi propi adina la grippa?

La grippa è puspè arrivada en la Svizra ed en il Grischun. Mo savens vegn discurri da la grippa, malgrà ch'ins ha mo piglià en da fraid.

pazient en letg
Legenda: Pigliar fraid u ina grippa è ina differenza. Keystone

Blera glieud na prenda betg uschè exact la differenza tranter la grippa ed in dafraid. Blers pensan che quai saja, pli u main, il medem, di il infectolog dal spital chantunal a Cuira, Felix Fleisch.

«Sco di e notg»

La differenza è dentant gronda, declera il medi. Ils virus sajan totalmain differents. Ed era ils sintoms n'èn betg da cumparegliar. «Ina grippa vegn ord il nagut, l'uman survegn febra, ha mal las giugadiras ed ins è propi plat». Pigliar in dafraid è percunter plitost insatge mulestus. Ins haja mal il culiez, ha la strucca ed anc savens la tuss, declera Felix Fleisch.

Ed ina gronda differenza saja plinavant che ins sa pigliar in dafraid pliras giadas ad onn. La grippa san ins dentant mo survegnir ina giada per onn e per regla mo l'enviern, menziuna il medi.

RR actualitad 07:00