Siglir tar il cuntegn

Header

video
Sa sentir sco fugitiv
Or da RTR dals 22.01.2016.
laschar ir. Durada: 1 minuta 56 Secundas.
cuntegn

Chantun Esser fugitiv per 30 minutas - in'experientscha intensiva

A l'ur dal forum d'economia mundial porscha la fundaziun Crossroads ina simulaziun che pussibiltescha da sa metter per ina mes'ura en la situaziun dad in fugitiv. In'experientscha fitg reala ed intensiva.

Il video è la simulaziun da la situaziun da fugitivs (video: R. Müller / F. Caduff)

La simulaziun cumenza cun instrucziuns. Dunnas ston zugliar ils chavels cun schals ed i vegn scumandà ad ellas da discurrer cun umens esters. E lura cumenza ina fugia hectica enfin ch'ils fugitivs rivan tar il champ da fugitivs.

Là dentant n'èsi insumma betg uschia che la fugia fiss a fin. Qua cumenza la fugia dals schuldads. Uschia vegnan ils participants confruntads cun corrupziun, cun violenza e cun ina gronda malsegirtad. Ins na sa mai, tge che capita sco proxim. Suenter bundant ina mes'ura è l'experientscha a fin ed il surlevtg grond.

audio
Bunura: Barattar rolla cun in fugitiv - al WEF
ord Actualitad dals 22.01.2016.
laschar ir. Durada: 4 minutas 26 Secundas.

Simulaziun reala

Tenor ils responsabels da la simulaziun, la fundaziun Crossroads, pudess quest champ da fugitivs esser dapertut sin quest mund. I mussi dentant mo gist 14% da la realitad en quests champs. La hectica e las sfidas cun las qualas ins vegni confruntà existian dentant en quels. I na saja dentant betg pussaivel dad uniformar tut quests champs da fugitivs perquai che mintga champ saja auter.

RR Actualitad bunura 06:00

Artitgels legids il pli savens