Giuvens politichers e politicras da 35 differents pajais da l’Europa fan part al Euroconcert. Il concert ha lieu a chaschun da la 83avla sessiun internaziunala dal parlament da giuventetgna a Laax. Dentant betg mintga politicher giuven po far part al concert. Ina cumissiun speziala ha tschernì tge politicras che pon mussar lur talent artistic e tgenins betg. Il concert ha gì lieu gievgia saira en il teater a Cuira.
video
Euroconcert - impressiuns
Or da RTR dals 14.10.2016.
laschar ir. Durada: 58 Secundas.
Parlament europeic da giuventetgna a Laax
A Laax s’entaupa davent dals 7 enfin ils 16 d’october il Parlament europeic da giuventetgna per la 83avla sessiun internaziunala. Dapli che 300 giuvenils ord l’entira Europa discurran quels dis sur da problems actuals. Era il cusseglier federal Didier Burkhalter è stà preschent per ina saira a Laax.
