Siglir tar il cuntegn

Header

cuntegn

Evitar infecziuns Vischnancas pon puspè far votaziuns a l'urna

En il Fegl uffizial ha la regenza chantunala publitgà ch'i autoriseschan las vischnancas da votar a l'urna sch'i saja memia privlus da realisar radunanzas communalas. La raschun è il privel da s'infectar cun Covid-19. Per las votaziuns a l'urna valian las medemas regulaziuns sco tar votaziuns chantunalas.

Questa regulaziun vala per tuttas votaziuns che han lieu avant ils 30 d'avrigl 2021. Il medem vala er per vischnancas burgaisas, regiuns e corporaziuns da vischnancas.

Gia la primavaira han las vischnancas pudì clamar a l'urna, quai enfin zercladur. Là ha la regulaziun dentant be valì per chaussas fitg impurtantas, ch'ins n'ha betg pli pudì spustar. La regenza ha accentuà che la situaziun actuala malsegira, pretendia urgentamain che las vischnancas restian ablas d'agir.

audio
Per tadlar curt e cumpact
ord RTR Audio dals 04.11.2020.
laschar ir. Durada: 58 Secundas.

RTR novitads 09:00

Artitgels legids il pli savens