Siglir tar il cuntegn

Header

cuntegn

Examen gimnasi 508 da 759 han dumagnà l'examen

Ils 12 da favrer ed ils 12 da mars 2019 èn stads quest onn ils examens d'admissiun per l'emprima e la terza classa gimnasiala d'ina scola media grischuna. En total han 449 scolaras e 310 scolaras empruvà da reussir. Dals totalmain 759 candidatas e candidats han 508 dumagnà ils examens.

En total han 297 mattas e 211 mats dumagnà l'examen.

Per l'examen d'admissiun per l'emprima classa gimnasiala èn sa preschentads 346 scolaras e scolars, da quels han reussì 214. La quota da success è uschia sin 61,85%. L'onn passà era la quota sin 60,34%.

En total han 413 giuvenils empruvà da dumagnar l'examen d'admissiun per la terza classa gimnasiala. Da quels han 187 ademplì las premissas, uschia che la quota da success munta a 45,28% (2018: 43,54%).

Vitiers han 107 scolaras e scolars dumagnà las pretensiuns per l'emprima classa d'ina scola media commerziala u spezialisada. Qua è la quota da success 25,91% e pli bassa ch'il 2018 (30,14%).

RR novitads 11:00