Siglir tar il cuntegn

Header

audio
Per ils recturs da las scolas FMS resta tuttina bler intschert
Or da Actualitad dals 07.05.2020.
laschar ir. Durada: 3 minutas 5 Secundas.
cuntegn

Examens scolas medias I saja stà in vi e nà

Las ultimas emnas èn stadas stentusas e nunsurvesaivlas – quai tant per scolaras e scolars sco er per recturs da las scolas medias.

Per Marcus Beer, rectur da la scola mercantila Surselva a Glion èsi ir memia ditg enfin che tuttas decisiuns sajan vegnidas prendidas. Il lockdown haja cumenzà il mars ed i haja durà immens ditg fin che las ultimas decisiuns sajan vegnidas prendidas. Tenor el avessan questas decisiun, tge examens ch'han lieu e tgenins betg, stuì vegnir communitgadas entaifer las emprimas duas emnas dal lockown.

Jau hai bler il sentiment ch'i vegn targlinà extrem en tschertas situaziuns. Quai è ì tut bler memia plaun.
Autur: Marcus Beer rectur scola mercantila Glion
Marcus Beer
Legenda: Marcus Beer, rectur da la scola mercantila a Glion. MAD CENTER DA FURMAZIUN SURSELVA

Marcus Beer pensa oravant tut vid las scolaras e scolars. Lez veglian savair vid tge ch'els sajan.

Sumegliants è il tenor er tar il rectur da la scola media evangelica a Schiers/Aschera, Hans-Andrea Tarnutzer. L'entira situaziun na saja betg stada survesaivla las ultimas emnas. El menziuna spezialmain la pressiun ch'ils students hajan gì l'ultim temp pervia da questa malsegirezza.

Tenor el avess il Cussegl federal stuì prender ensemen cun la Conferenza dals directurs chantunals d'educaziun (EDK) ina decisiun clera. Tenor el fiss la meglra schliaziun stada da dar gì tut ils examens finals en las scolas medias.

L'entira situaziun ha uss simplamain purtà bler malsegirtad e plinavant han tut ils involvids duvrà bler energia.
Autur: Hans-Andrea Tarnutzer rectur scola media evangelica Schiers
Hans-Andrea Tarnutzer
Legenda: Hans-Andrea Tarnutzer, rectur da la scola media evangelica a Schiers. RTR

Per tut ils involvids èn las ultimas emnas stadas stentusas. Recturs da scola sco er scolaras e scolars vegnan ad esser leds, cura che questa situaziun extraordinaria è passada.

RTR actualitad 12:00

Artitgels legids il pli savens