Cura sto jau purtar ina mascra da protecziun? Dastgan mes uffants embratschar tat e tatta? E cura è quai tut insumma a fin?
Dumondas enturn il coronavirus datti bleras. Tegnair la survista sur tut ils experts e tut las respostas ch'èn gia vegnidas dada sin tut questas dumondas e tut auter che simpel. Quai conceda era la media chantunala Marina Jamnicki. I na saja betg simpel ed ins survegnia spert confusiuns sch'ins taidla sin las opiniuns da differents experts. Motiv per las bleras differentas opiniuns saja, che na betg tuts mettan sin ils medems puncts la paisa.
Tge ch'ella po dar sco cussegl è da far la differenza che las terras han era differentas modas e manieras da quintar cas u da ir enturn cun il coronavirus. Perquai saja da far quità sch'ins taidla ils cussegls dals experts d'autras terras.
La schliaziun co propi tegnair la survista, lezza po dentant era la media chantunala betg dar.