Marco Engel, il schef da l'expo Cuira, ch’organisescha tranter auter la HIGA vul vender la Expo Cuira SA. La raschun sajan las reacziuns dals expositurs ch’han stuì desister da daners, perquai ch’ins ha stuì dir giu la HIGA il 2020 ed er gia il 2021 pervi da corona, ha ditg Marco Engel envers il schurnal regiunal da Radio SRF.
audio
Marco Engel vul chalar
ord RTR Audio dals 31.10.2020.
laschar ir. Durada: 10 Secundas.
Il cumprader preferì da Marco Engel per sia firma fiss la citad da Cuira. Sche lezza è pronta, è dentant avert. Tenor il president Urs Marti saja la citad sco possessura da la halla da la citad da Cuira responsabla, ch’i dettia puspè vita en la halla. Da l’autra vart na saja la citad da Cuira betg ina firma ch’organiseschia fieras.
