Dentant in di daventa il sultan memia grev ed il culm da ses plimatschs memia grond. Uschia sto el vegnir transportà cun ina crana ed in chanaster. Per manischar la crana dovri in nov servient, in ferm. Quel è spert chattà sin via.
Dentant n'è l'um ferm betg fitg inschignus. Il sultan sa tschenta regularmain sin sia tgilutta ed il servient vegn numnà tamazi. Enstagl da daventar vilà ha il sultan dentant tschaffen ch'i capita finalmain insatge.
Il tamazi mussa la bella veta
Il tamazi intimescha il sultan da far experientschas, per exempel ir en cuschina ed empruvar spaisas, da far vacanzas u prender in bogn persul. Il sultan cumenza a ponderar tschertas chaussas da rudent, sco per exempel, nua finescha la mar, nua cumenza il tschel. E lura sa dumonda el in di tut trist, tge funcziun ch'el sco sultan haja insumma. Il tamazi ha tge cletg ina bun'idea co mussar al sultan, ch'el haja ina bella vita.