Ils utilisaders duain translatar la surfatscha da facebook ord l'englais en rumantsch. Quai cun l'agid d'ina app. Per mintga singul lungatg dettia quai ina cuminanza da translaturs, scriva facebook. En questa gruppa pon ils translataders rangar las transalziuns viceversa.
Facebook en RG u en ils idioms?
Co Facebook vul schliar la dumonda, sche las traducziuns duain succeder en ils idioms ubain en Rumantsch Grischun n'è betg cler. Facebook haja schon era in team da translaturs che lavuria en differents lieus. Co quels lavurien u vida tge, na sappia ella dentant betg, declera Annika Halbsgut da Heine PR, in' interpresa che fa la lavur da pressa per Facebook en il spazi tudestg. Quai che pertuccia il Rumantsch n'haja ella naginas infurmaziuns.
Ma pertgé vul facebook insumma translatar la mascra en romontsch? La missiun da Facebook saja da colliar carstgauns in cun l' auter, uschia Halbsgut vinavant. E gist il lungatg saja impurtant per che la plattafuorma daventia accessibla per uschè blers sco pussaivel.
RR actualitad 11:00