Siglir tar il cuntegn

Header

cuntegn

Fanadur 2021 Bogns averts han gì marcantamain pli paucas entradas

En ils bogns averts dal Grischun hai dà enfin uss durant il fanadur marcantamain damain sigls en l'aua. Quai scriva la Fundaziun medias rumantschas.

Fertant ch'il matg è stà modest en ils bogns da Cuira e da Glion, ha il bogn a Vulpera avert pir il zercladur. Durant lez mais èn las cifras stadas legraivlas. Ma, la trid'aura dal fanadur enfin uss, ha puspè chaschunà bogns quasi vids.

A Glion sper'ins sin in bun avust

A Glion, nua ch'igl ha normalmain 800 fin 1'000 persunas in di da bell'aura, hajan ins gì questa giada be 4 fin 25 giasts durant quels dis. Anc hajan ins dentant la speranza che l'aura tegnia ussa meglier durant il mais d'avust.

Situaziun a Cuira

A Cuira visitan ussa dapli persunas il bogn cuvert. Tenor Sandro Staub, il manader da bogn, fitness e wellness dals implants da sport, porscha il bogn Obere Au da Cuira diversas attracziuns sco animaziuns per uffants e programs da sport per attrair la glieud.

Ord l'archiv

video
Bogn Fontanivas a Glion avra cun restricziuns da corona
Or da Telesguard dals 11.05.2021.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga