Siglir tar il cuntegn
Inhalt

Chantun Far in trail da bike n'è betg uschè simpel

Turissem da bike è in dals recepts per emplenir pendicularas er la stad. Dentant avant ch'ina destinaziun ha in trail, dat quai insaquants obstachels da surmuntar.

Ir cun velo en las montognas vegn adina pli popular.
Legenda: Ir cun velo en las muntognas vegn adina pli popular. swiss image

En Grischun dat quai tenor la pagina-web da Grischun vacanzas radund 17’000 kilometers sendas e bunamain mintgina da quellas è medemamain in trail da bike. Dentant tenor Darco Cazin da la firma Allegra bike che sviluppescha per destinaziuns purschidas da bike, n’èn las sendas en il Grischun anc betg quai ch'ellas pudessan esser.

Anc potenzial avant maun

«La qualitad da las sendas n’è anc betg pronta per quai che vegn en tschintg onns», di Cazin. En tschintg onns dettia numnadamain dapli bikers, perquai ch'il sport da mountainbike creschia – er en il Grischun. Per far in trail saja dentant da surmuntar plirs obstachels. In dals gronds è ch'i saja da dumandar lubientscha tar mintga pur, mintga vischnanca ubain mintga corporaziun d'alp che posseda in toc dal prà nua ch'il trail duess ir atras. Ultra da quai dettia ina lunga procedura da permissiun ed i saja er da far investiziuns.

RR actualitad 12:00