Siglir tar il cuntegn

Header

audio
Amez Cuira vegn fatg festa – organisar quella è dentant stà ina sfida
Or da Actualitad dals 24.06.2021.
laschar ir. Durada: 03:12 minutas.
cuntegn

Festa da stad a Cuira I marscha puspè insatge sin la plazza da teater a Cuira

En temps normals fiss uss in grond public viewing sin la plazza da teater a Cuira. Ina tscherta festa datti uss tuttina davent dals 24 fin ils 26 da zercladur – numnadamain ina festa da stad.

La festa da stad saja in ina maschaida da concerts, public viewing da ballape e da simplamain star da cumpignia. Quai di Ivo «Fifi» Frei, che organisescha cun l'uniun khur.ch la festa. I giaja per puspè pudair s'inscuntrar e passentar in bel temp ensemen durant ils trais dis.

Grond sforz organisatoric

Fifi Frei e sia squadra èn gia dapi plirs mains vid organisar la festa. Mintga pèr emnas èn els stàds ils ultims mais avant novas sfidas. Mintga giada cura ch'il Cussegl federal ha communitgà novas schlucccadas, hajan els era stuì adattar lur planisaziun.

In areal da festa cun blers banchins.
Legenda: Festa cun in zic dal tut La festa da stad duess porscher insatge per in e scadin. RTR, GIAN CARLO CANDINAS

500 persunas laschan els uss entrar per di sin l'areal. Els quintian uschia cun radund 1'500 visitaders e visitadras durant ils trais dis da festa.

Test negativ da Covent

Access a la festa da stad han mo persunas cun in bigliet e cun ina test negativ da Covent. Covent è in sistem digital per tests sperts da corona, fundà da l'organisatur Ivo «Fifi» Frei. Sin l'areal vegnan ins mo cun mussar plinavant la carta d'identitad, uschia ch'ils organisaturs pon controllar che nagin sfalsifitgescha il test.

RTR actualitad 17:00

Artitgels legids il pli savens

Scrollar a sanestra Scrollar a dretga