Chantun - Festa per la pli auta Grischuna

1 / 13

Legenda: Ella stat oz en il center: Tina Gartmann-Albin - la presidenta dal Cussegl grond. Qua cun ses um Stefan. RTR Nadja Cadonau

2 / 13

Legenda: Suenter la sessiun s'inscuntran deputadas e deputads avant il Cussegl grond per cumenzar la festa. RTR, Nadja Cadonau

3 / 13

Legenda: La Grain Square Dixie Band procura per bun'atmosfera avant il Cussegl grond. RTR Nadja Cadonau

4 / 13

Legenda: In paraplievgia en tuttas colurs ha Beat Deplazes (PS). RTR Nadja Cadonau

5 / 13

Legenda: Bruno Claus (president PLD) ed Urs Marti (president da Cuira). RTR Nadja Cadonau

6 / 13

Legenda: Dus chatschaders han perfin desistì da l'emprim di da chatscha per far festa a Cuira. RTR Nadja Cadonau

7 / 13

Legenda: Urs Marti regala in maletg da l'artist da Cuira Otto Braschler – l'artist preferì da Tina Gartmann-Albin. RTR, Nadja Cadonau

8 / 13

Legenda: Attenziun e risadas durant ils pleds umoristics dals schefs da fracziun – qua Remo Cavegn (PCD). RTR, Nadja Cadonau

9 / 13

Legenda: Flurin Caviezel ha procurà per program. RTR, Nadja Cadonau

10 / 13

Legenda: Daputadas e deputads da tut las colurs politicas han festivà la pli auta grischuna. RTR, Nadja Cadonau

11 / 13

Legenda: Tgisa, sch'i ha dà autras debattas tar la festa ch'en il Cussegl grond? RTR, Nadja Cadonau

12 / 13

Legenda: Il chor dal Cussegl grond durant sia producziun. RTR, Nadja Cadonau

13 / 13

Legenda: «In di nunemblidaivel», di Tina Gartmann-Albin en ses pled d'engraziament. RTR, Nadja Cadonau

Suenter in apero en la halla da la chasa-cumin ha la festa principala lieu en ina tenda sin il Kornplatz amez la citad veglia da Cuira.

In tal di è unic ed jau giaud quel immens.

I saja in di istoric, ha accentuà il president da la citad da Cuira, Urs Marti. Tina Gartmann-Albin saja l'emprima che dastgia purtar dus titels: Ella è stada la pli auta da Cuira ed uss era anc la pli auta dal Grischun.

audio

Reportascha da la festa per Tina Gartmann-Albin

03:51 min, ord Actualitad dals 01.09.2018.

laschar ir. Durada: 3 minutas 51 Secundas.

Sper ils pleds uffizials èsi usit ch'il chor dal Cussegl grond chanta per la presidenta e che represchentants da las partidas fa ina sort salamuira – pia in sguard umoristic sin eveniments en ed enturn las debattas dal Cussegl grond.

Cun attenziun ha er il vicepresident dal Cussegl grond, Alessandro Della Vedova (PCD, Puschlav) persequità las festivitads.

audio

Alessandro Della Vedova davart Tina Gartmann-Albin

00:24 min, ord Actualitad dals 01.09.2018.

laschar ir. Durada: 24 Secundas.

Il puschlavin conceda ch'el haja tranteren ponderà vida sia atgna festa sco president dal Cussegl grond en in onn. Sco prim dentant, veglia el nizzegiar ses temp sco vice per far in'emprendissadi co manar il parlament.

RR actualitad 12:00