Fête des Vignerons - «I fiss stà tup da dir na a l'invit»

1 / 3

Legenda: El vegn ad ir cun differentas sorts en direcziun Vevey. RTR, Gian Carlo Candinas

2 / 3

Legenda: Philipp Grendelmeier sa legra da pudair preschentar ses vins a la Fête des Vignerons a Vevey. RTR, GIAN CARLO CANDINAS

3 / 3

Legenda: En la vischnanca da Zezras posseda Philipp Grendelmeier radund sis hectaras vignas. MAD, Philipp Grendelmeier

Dapi 25 onns è Philipp Grendelmeier, ch'è oriund da Turitg, gia viticultur a Zezras. Oz posseda el vignas sin sis hectaras e producescha differents vins. Per l'um da 60 onns è la lavur sco viticultur ina gronda passiun.

Avant 25 onns in noviz

Philipp Grendelmeier ha lavurà sco inschigner da victualias avant ch'el ha fatg il pass en il mund da «Chardonnays» e «Pinot Noirs». Igl è stà ina midada abrupta per el. Dentant èsi adina stà in giavisch dal Turitgais da producir insatge regiunal cun qualitad. Dapi 25 onns po el uss cumbinar hobi e clamada.

Per esser viticultur dovran ins ina tscherta passiun.

audio

Bunura: Per Philipp Grendelmeer èsi in'onur dastgar ir a Vevey

03:35 min, ord Actualitad dals 23.07.2019.

laschar ir. Durada: 3 minutas 35 Secundas.

Cun gust e plaschair a Vevey

Betg ina secunda ha il viticultur ponderà, cura ch'el ha survegnì la dumonda dad ir a Vevey. Per el èsi in'onur dastgar preschentar ses vin da Zezras a la Fête des Vignerons.

Philipp Grendelmeier è preschent cun 4 differents vins en la Svizra franzosa. Cotschens dal 2017 ed in alv dal 2018. Quai sajan ils vins ch'el haja en tschaler. Vins che han, dal reminent, nums rumantschs sco «Dus Alvs», «il Rubin» u «Trais Cotschens».

RR actualitad 07:00