Set viticulturs grischuns dastgan preschentar lur vins ils 23 da fanadur al grond di grischun da la Fête des Vignerons. Gugent da la partida fiss er Ladina Obrecht da Jenins stada. Ella conceda dentant che questa festa saja ida in zic sper ella ora. Ma la dunna, oriunda da l'Engiadina, è conscienta che quai fiss segir stà ina buna reclama e plattafurma per ses vins.
La lavur dal mintgadi porta avunda sfidas
Er senza la Fête des Vignerons na vegni betg lungurus a Ladina Obrecht e ses um Jürg, che possedan radund set hectaras vignas a Jenins. Dapi la chalira dal zercladur na vegnan els strusch pli suenter cun la lavur.
Lungurus n'avain nus mai sin la vignas.
La clamada sco viticultura è vasta – ina clamada che dovra passiun ed è ina clamada nua ch'exposiziuns e degustaziuns tutgan tar il mintgadi. A la Fête des Vignerons 2019 na po Ladina Obrecht betg ir. «Ma forsa tar la proxima ediziun», di ella cun in surrir en fatscha. Questa festa da vin ha lieu radund mintga 20 onns.
RR actualitad 07:00